La Convenziun di 33
La Convenziun é metüda adöm da 33 comëmberi inciariá dal Consëi provinzial. Espertes/Esperc de dërt, politiches/politics y rapresentantes/rapresentanc di partner soziai laurará fora propostes scrites por les reformes programades te sentades tignides regolarmënter:
- cater comëmbri da na proposta de nü inoms metüs dant dal Consëi di comuns (Stefan Gufler, Beatrix Mairhofer, Laura Polonioli, Joachim Reinalter);
- dui comëmbri da na proposta de sis inoms da pert dles assoziaziuns di imprenditurs plü rapresentatives y dui comëmbri da na proposta de sis inoms proponüs dai sindacac plü rapresentatifs (Claudio Corrarati, Laura Senesi, Alexandra Silvestri, Tony Tschenett);
- cin' porsones espertes de dërt, chirides fora aladô di criters stabilis dal Ofize de presidënza y sön la basa de n curriculum spezialistich, nominades dal Consëi provinzial (Katharina Haberer, Esther Happacher, Ewald Rottensteiner, Roberto Toniatti, Renate von Guggenberg);
- ot comëmbri che rapresentëia la sozieté zivila. Ai vëgn litá danter 100 zitadines privates y zitadins privac che forma le forum preodü dal articul 5, coma 2 (Janah Maria Andreis, Patrick Dejaco, Walter Eccli, Martin Feichter, Verena Geier, Edith Ploner, Heinold Rottensteiner, Olfa Sassi);
- dodesc comëmbri nominá, sön proposta dles fraziuns de maioranza o mendranza, dal Consëi provinzial, che rapresentëia proporzionalmënter la mendranza politica (Magdalena Amhof, Roberto Bizzo, Riccardo Dello Sbarba, Luis Durnwalder, Maria Hochgruber Kuenzer, Margareth Lun, Wolfgang Niederhofer, Christoph Perathoner, Christian Tschurtschenthaler, Maurizio Vezzali, Florian von Ach, Andreas Widmann).
Le Forum di 100
Le Forum di 100 aconsiëia la Convenziun di 33 tratan döta la fasa de laur. Al é metü adöm da 100 zitadines y zitadins dl Südtirol sura i 16 agn y fej da lian danter la popolaziun dl Südtirol y la Convenziun. Na inciaria speziala dl Forum di 100 é da porté ite posiziuns d'interesc desvalies tla discusciun y da avëi n barat de minunga cun la Convenziun sön les chestiuns zentrales dla discusciun de reforma. Al gnará dantadöt tigní cunt di resultac dles manifestaziuns davertes y dles tematiches tratades en ocajiun dles mëses torones. Le Forum di 100 s'incuntará indöt sis iadi tratan la fasa de laur.
Contać: info@convenziun.bz.it
