Pra la manifestazions open space per la Cunvenzion d’Autonomia vëniel abinà adum tematiches y dumandes de politica soziela che ti sta a cuer ala populazion dl Südtirol. La dumanda zentrela dl open space ie perchël:
“Pensé l Südtirol: ce daunì per nosta provinzia?”
I resultac dla manifestazions open-space vën prejentei sun la plata web y l ti vën sëurandat n documënt de cuntlujion ala Cunvenzion di 33.
Do che la manifestazion open space ie fineda via, vën i resultac elaburei inant tl Forum di 100, che se anconta paralelamënter ala Cunvenzion.
Ot persones che reprejentea la zitadines y i zitadins, mandedes dal Forum di 100, purterà ite i resultac dl lëur dla Cunvenzion di 33. Ëiles à na funzian de liam danter i doi gremiums.
Tëmps dla manifestazions
9.00: Unì adalerch y registrazion dla partezipantes y di partezipanc
9.30: Scumenciamënt y salut da pert dla presidënza dl Cunsëi provinziel dl Südtirol y di culaboradëures dla EURAC
09.50: Moderadëures tlarësc ala persones che partezipea l se dejëujer dla manifestazion
10.30: Crì adum la tematiches cun i moderadëures
11.15: Prim cërtl de descuscion te de pitla grupes
12.00: Pausa
12.15: Segondo cërtl de descuscion te de pitla grupes
13.00: Pausa
13.15: Terzo cërtl de descuscion te de pitla grupes
14.00: Pausa
14.15: Cuarto cërtl de descuscion te de pitla grupes
15.00: Pausa
15.15: Cuinto cërtl de descuscion te de pitla grupes
16.00: Pausa
16.15: Cuntlujion da pert de reprejentanc dla presidënza dl Cunsëi provinziel dl Südtirol y di moderadëures
Chi che ne uel nia sté dut l di pra l open space possa nce mé cherdé per n’ëura per se fé n’idea dl pruzes.
La metoda “open space”
L lëur te na cunferënza open-space se stiza sun na lege y cater prinzips:
“La lege di doi piesc” vëij danora che uni persona che tol pert dëssa resté tan giut tla grupa de lëur che l possa dé n cuntribut y/o mparé zeche. L ne vën nia mé lascià pro ma l ie nce udù de bon uedl sce zachei muda la grupa de lëur.
I cater prinzips ie:
1. Unfat chi che vën, l ie iust la drëta persona.
2. Unfat cie che suzed, l ie la sëula cossa che possa suzeder.
3. Unfat canche l scumëncia l ie l drë’ mumënt.
4. Cie che ie passà ie passà.
Perchël vëniel per duta la tematiches fissà la lueges y i tëmps, purempò vën l tratamënt dla tematiches dejëut a na maniera autonoma y urganiseda tres de pitla grupes che se forma for inò da nuef.
Pauses
Pauses ne ie tl open space nia mé n “tëmp liede”, ma “vieresc de tëmp” che possa y dëssa unì nuzei per l dialogh y l barat infurmel de minonghes.
Cërtli tematics
Ti cërtli tematics vëniel tratà la cuestion fisseda y l vën crì adum la minonghes y la prupostes de soluzion plu defrëntes. De gran mpurtanza ie propi l crì adum, te chësta fasa ne vala mo nia de dezijions.
Per nfurmazions tecniches sun l pruzes de reforma, sun la democrazia partezipativa, sun l’autonomia, l federalism o la scunanza dla mendranza ie la espertes y i esperc dla EURAC a despusizion dla partezipantes y di partezipanc.
Contać: info@convenziun.bz.it
